Asnjëherë s’i dihet

Atletico Madrid shihet si i kualifikuar në çerekfinale të Ligës së Kampionëve pas fitores 4-2 si mysafir ndaj Bayer Leverkusenit.

Mirëpo, me trajnerin e ri Bayer Leverkusen do të provojë të bëj befasinë.

“Asnjëherë s’i dihet së ardhmes, por me rëndësi është të bësh atë që beson. Do të jetë ndeshje e veçantë për ne dhe do të provojmë gjithçka,” ka thënë trajneri i ekipit gjerman, Tayfun Korkut, para ndeshjes.

Bëje atë që beson

- Tayfun Korkut, Bay. Leverkusen

Ndërsa Diego Simeone në anën tjetër që ka dy finale të Ligës së Kampionëve në bagazh me ekipin e Atleticos ka thënë se ekipi i tij do të jetë i plotë në ndeshje.

“Në ndeshje ndodhin situata të ndryshme. Ekipi duhet të jetë i gatshëm për t’i zgjidhur ato. Nuk do të pushojë asnjërin nga yjet e ekipit që thoni ju,” ka treguar Simeone në konferencën për shtyp.

PIKAT KRYESORE:

-Atletico ka fituar ndeshjen e parë 4-2;
-Atletico ka fituar shtatë ndeshjet e fundit me ekipet gjermane në fazë eliminatore;
-Leverkusen s’ka kaluar asnjëherë në çerekfinale;

FORMACIONET E MUNDSHME:

Atletico Madrid: Oblak; Juanfran, Giménez, Godín, Hernández; Carrasco, Partey, Koke, Ñíguez; Correa, Griezmann.

Bayer Leverkusen: Leno; Heinrichs, Dragovic, Toprak, Wendell; Bellarabi, Aranguiz, Kampl, Brandt, Havertz; Chicharito.