Karahoda: Në shtëpi, maksimumin për fitore

Sulmuesi i Besës, Fatih Karahoda, thotë se ekipi i tij nuk do të lëshojë rastin që të eliminojë Prishtinën nga Kupa e Kosovës.

Karahoda beson në ekipin e tij dhe në epërsinë e terrenit vendas që e ka Besa sot në duelin çerekfinal ndaj Prishtinës.

“Ndeshje shumë e vështirë, pasi po përballen dy ekipe të forta që synojnë Kupën. Pasi luajmë në shtëpi, do të japim maksimumin për ta fituar ndeshjen dhe për të shkuar në gjysmëfinale,” ka thënë sulmuesi prizrenas i Besës, shkruan Koha Ditore.

Besa pret Prishtinën në ora 13:00 në “Shahin Haxhiislami”. Nëse gjatë 90 minutave nuk ka fitues, ndeshja shkon në vazhdime e sipas nevojës edhe në penallti për të përcaktuar gjysmëfinalistin.