KUPA E KOSOVËS: DRENICA - KEK
Drenica ia terron Kupën KEK-ut
18 February, 2017 @14:21
Skuadra e Drenicës ka shënuar fitore të lehtë dhe me lojë të sigurt ka zënë vend në tetëshen më të mirë të Kupës së Kosovës duke e eliminuar KEK-un e Ligës së Parë.
Kuqezinjtë nga Skenderaj kanë shënuar fitore 3-0 në “Bajram Aliu” sot, për të qenë çerekfinalist të Kupës së Kosovës.
Kreshnik Lushtaku ka qenë njeriu i ndeshjes sot në fitoren e Drenicës ndaj KEK-ut, shumë më të lehtë sesa që u prit.
Lushtaku asistoi në të parën dhe shënoi dy të tjera për t’ia siguruar drenicakëve çerekfinalen e Kupës.
Avantazhin drenicakëve ia dha Kreshnik Nebihu, ndërsa më pas forca e dalluar e sulmit Kreshnik Lushtaku me dy gola vulosi kualifikimin e Drenicës.
