LLAPI - DRENICA
Drenica në hapat e shpëtimit
13 June, 2020 @19:32
Skuadra e trajnerit Gani Sejdiu, Drenica, ka arritur ta mposht Llapin në Podujevë me rezultat 0-2.
Kjo ishte një fitore me vlerë të madhe, derisa heroi i ndeshjes ishte Alban Shillova.
Shillova në këtë ndeshje ka shënuara 2 herë. Së pari nga pika e bardhë në minutën e 27’, derisa e dyfishoi epërsinë në minutën e 42’.
Në këtë fitore luajti rol edhe performanca e mirë e portierit të Drenicës Arion Ymeri, derisa Llapi ka dështuar nga penalltia në minutën e 86’.
Armend Abazi në minutën e 89’ u ndëshkua me karton të kuq, por nuk ndikoi në rezultatin e ndeshjes.
Drenica me këtë fitore nuk lëviz nga pozita e shtatë, por së paku bën një hap të rëndësishëm drejtë shpëtimit, derisa Llapi mbetet në pozitën e gjashtë me 37 pikë.
Në xhiron tjetër Drenica takohet me Flamurtarin, kurse Llapi me Feronikelin.