TREPÇA'89 - DRENICA
Foto: Arkiv
Drenica nuk dorëzohet në Mitrovicë
16 September, 2018 @18:08
Nuk ka pasur fitues as në Mitrovicë sot. Në Riza Lushta të qytetit verior të Kosovës, Trepça’89 përkundër epërsisë nuk ka arritur t’i bëj ballë Drenicës duke barazuar në fund 1-1.
Ka qenë Mariglen Shoshi që i dha epërsinë mitrovicasve nga penalltia në fillim të ndeshjes (3’).
Mirëpo, rastet e mëtutjeshme të ‘89-shit nuk u konkretizuan e pak para fundit të pjesës së parë Drenica barazoi.
Ka qenë mesfushori i dalluar i tyre, Taulant Dajaku (39’) që shënoi, gjithashtu nga penalltia për të barazuar, 1-1.
Ky ka qenë edhe rezultati përfundimtar i ndeshjes, përkundër se në pjesë të dytë kryesisht Trepça’89 tentoi të bënte më shumë.
11-shet startuese:
| TREPÇA'89: | Golas, Pira, Asare, Shoshi, Jashari, Maloku, Mersini, Muja, Rusi, Gucev, Velinov. Kryetrajner: Gugash Magani. | ||
| DRENICA: | Ymeri, Lushtaku, Sykaj, Pasoma, Bejta, Thaqi, Mustafa, Dajaku, Mziu, Uka, Osmani. Kryetrajner: Tahir Lushtaku |
