PRISHTINA
Drilon Cenaj përforcon mesfushën e Prishtinës
21 January, 2022 @21:39
Skuadra e Prishtinës ka arritur marrëveshje me futbollistin, Drilon Cenaj.
24 vjeçari nga Gjakova, luan si mesfushor qendror. Ai është zhvilluar si futbollist në Bosnje dhe Hercegovinë dhe ka nisur karrierën e tij te skuadra e Sarajevës.
Cenaj gjithashtu ka luajtur edhe te juniorët e Chievos në Itali, derisa së fundit ishte pjesë e skuadrës hungareze Szentlorinc.
Mesfushori qendror pas transferimit të tij ka thënë se synimet e Prishtinës janë gjithmonë të larta dhe do të punon për suksesin e skuadrës.
“Prishtina është klubi më i madh në Kosovë dhe është kënaqësi që jam bërë pjesë e saj. Në ekip më kanë pritur shumë mirë si bashkëlojtarët ashtu edhe stafi. I falëndëroj të gjithë për pritjen. Atmosfera është shumë e mirë.
“Synimet e Prishtinës janë për pjesën lart në tabelë. Ka shumë cilësi në ekip dhe do të provoj që ta ndihmoj sa më shumë ekipin”.
Prishtina aktualisht gjendet në pozitën e pestë në Superligë me 24 pikë.
