Drita fiton, kalon në finalen preliminare

Drita ka shënuar fitore në përballjen debutuese në fazën preliminare të Ligës së Kampionëve, ndaj ekipit nga Andorra, Santa Colomba.

Pas 120 minutave lojë, gjilanasit, kampionë të Kosovës kanë shënuar fitore 2-0 për të siguruar finalen e fazës preliminare të Ligës së Kampionëve, që luhet në Gjibraltar.

Ndeshja në 90 minutat e rregullta të saja përfundoi pa gola, 0-0. Ndërsa në vazhdimin e parë të ndeshjes, ka qenë Xhevdet Shabani që shënoi për avantazhin e parë dhe golin historik të Dritës në gara ndërkombëtare.

Më pas, në fund të vazhdimeve të para, Fidan Gërbeshi nga penalltia, ngriti epërsinë në 2-0, për të siguruar finalen e kësaj faze.

Drita në finale do të ndeshet me fituesin e ndeshjes La Florita (SMR) - Lincoln Red Imps (GIB)