Duhet të shkelim në tokë!

Gjiganti bavarez, Bayern Munchen, përveç stinorit të mrekullueshëm që është duke kaluar në Bundesliga, është duke vazhduar me sukses garën edhe në Ligën e Kampionëve dhe Kupën e Gjermanisë.

Bayerni është duke u llogaritur që do ta përfundojë stinorin së paku me dy kupa, ndërsa për këtë nuk pajtohet plotësisht holandezi, Arjen Robben.

“Gjërat që i kemi bërë deri më tani, nuk janë të mjaftueshme. E rëndësishme është që të vazhdojmë deri në fund të stinorit me këtë ritëm. Duhet të shkelim me këmbë në tokë pasi që ende nuk kemi fituar asnjë kupë,” ka thënë Robben për mediat gjermane.

Bayern Munchen së fundi ka shënuar fitore të rëndësishme ndaj rivalit, Borussia Dortmund, të cilën e ka mposhtur me rezultat 1-0 në kupën gjermane, duke u kualifikuar kështu në gjysmëfinale të kësaj kompeticioni.