Mungon kundër Lazios

Trajneri i Milanit, Massimiliano Allegri, ka konfirmuar se Mario Balotelli nuk do të jetë pjesë e ekipit nesër për ndeshjen kundër Lazios.

Sulmuesi 22 vjeçar ka pësuar lëndim në ndeshjen e fundit kundër Interit, ku ekipi i tij ka barazuar me rezultat 1-1.

“Ai nuk ka stërvitur gjatë gjithë javës, kështu që nuk do të jetë në dispozicion për ndeshjen kundër Lazios. Vetëm në qoftëse ndodhë ndonjë mrekulli deri në mëngjesin e nesërm, mund të ndryshohet diçka,” ka thënë Allegri për kanalin zyrtar televiziv të Milanit.

Balotelli, i cili u transferua nga Manchester City në muajin janar, ka shënuar katër gola në po aq ndeshje për Milanin në Serie A.