Duka e De Biasi, vlerësojnë ndeshjen

Kreu i Federatës Shqiptare të Futbollit, Armand Duka, duke folur për Sky Sports Italia, ka pranuar se miqësorja ndaj Italisë do të jetë e vështirë për Shqipërinë, mirëpo ai ka lavdëruar trajnerin italian të kuqezinjëve, Gianni De Biasi. 

Azzurrët do të ndeshjen me Shqiponjat nesër mbrëma në Xhenovë, në natën bamirëse, për viktimat e fortunës që e kaploi këtë qytet muajin e shkuar. 

“Kjo është hera e parë që ne takohemi me Italinë. Ndeshja është me rëndësi për ne, jo vetëm si futboll, por edhe për shkak të rëndësisë së saj për bamirësi. Lojtraët tanë duhet të jenë gati për një ndeshje të mirë, që do të jetë detyrë e vështirë,” ka thënë Duka fillimisht për kanalin në fjalë. 

Duka ka thurrë lëvdata për trajnerin e Shqipërisë, italianin, De Biasi. 

“Ai është trajner i mirë. Ai është me ne për tre vite dhe ka ndërruar shumëçka në futbollin shqiptar. është një njeri serioz dhe ne jemi të kënaqur me punën e tij,” ka shtuar Duka, duke folur për De Biasin. 

Ndërkaq, derisa është pyetur për ndeshjen e nesërme trajneri De Biasi, ai ka thënë se Shqipëria jeton me futbollin italian. 

“Në Shqipëri, futbolli italian është më i shikuari. Jo vetëm Serie A, por edhe Serie B është mjaft e shikuar në Shqipëri,” është cituar të ketë thënë De Biasi. 

Marassi i Xhenovës nesër nga 20:45 do të jetë nikoqir i ndeshjes, derisa Italia ka kuotë 1.5 për fitore nga bastoret e Shqipëria, 7.