DUKAGJINI - DRENASI
Dukagjini kalon me lehtësi Drenasin, mbahen gjallë shpresat për Superligë
8 May, 2021 @17:26
Finalisti i Kupës së Kosovës, Dukagjini, ka shënuar një fitore të lehtë por edhe shumë të rëndësishme në shtëpi.
Ekipi nga Klina e mposhti Drenasin me rezultat 4-1, për t’i mbajtur gjallë shpresat për Superligë në ndeshjet e xhiros së fundit.
Labinot Osmani ishte realizatori i dyfishtë në fitoren e Dukagjinit, ndërsa nga një gol shënuan edhe Met Millaku dhe Abu Kamara.
Tani Dukagjini do të shpresojë që në xhiron e fundit të shënojë fitore dhe një kohësisht liderja, Malisheva, të gabojë në Gjakovë përballë Vëllaznimit, pasi që në tabelë malishevasit kryesojnë me dy pikë më shumë se sa klinasit.
