Dy të 11-shes së parë, mungojnë te Spanja ndaj Kosovës

Kombëtarja e Kosovës pasnesër prej Spanjën në kuadër të kualifikimeve për Botërorin 2022. Përballja e 8 shtatorit luhet në Prishtinë, ndërsa kjo do të jetë ardhja e parë e Spanjës në Kosovë.

Ndërkaq, pas ndeshjes së fundit të Spanjës, në fitore ndaj Gjeorgjisë 4-0 është bërë e ditur se dy futbollistë që luajtën në 11-shen e parë të spanjollëve ndaj gjeorgjezëve do të mungojë në përballje ndaj Kosovës.

ORARI I NDESHJEVE dhe TABELA AKTUALE

Fjala është për mbrojtësit Jose Gaya (Valencia, 26-vjeç) dhe Aymeric Laporte (Man. City, 27-vjeç). I pari shënoi gol ndaj Gjeorgjisë, kurse u zëvendësua në atë ndeshje për shkak të lëndimit, ndërsa Laporte doli për shkak të ngarkesës së madhe.

“Laporte ka ngarkesë, do të shohim se çka do të dalë, kurse Gaya është lënduar dhe inçizimet do të na tregojnë për seriozitetin e lëndimit,” është cituar Luis Enrique, selektor i Spanjës, nga mediat spanjolle.

ORARI I NDESHJEVE dhe TABELA AKTUALE

Deri tash është bërë e ditur se në vend të Gayas, Enrique ka ftuar mbrojtësin e Tottenhamit, Sergio Reguilon (24-vjeç).

Kosova - Spanja luhet në Fadil Vokrri të Prishtinës në ora 20:45 dhe i takon Grupit B kualifikues për Botërorin e Katarit 2022.

Spanja kishte mposhtur Kosovën në përballjen e parë të tyre, 3-1.