Të gjitha lajmet

FERIZAJI 2-5 TREPÇA'89

Dy të kuq te vendasit, goleadë e ‘89-shit për t’iu afruar shpëtimit

Dy të kuq te vendasit, goleadë e ‘89-shit për t’iu afruar shpëtimit


5 July, 2020 @19:14

Tashmë Drenica dhe Flamurtari mund të ndjehen të rrezikuar seriozisht, pasi që me fitoren e sotme të thellë të Trepçës’89 ndaj Ferizajit si mysafir, mitrovicasit i janë afruar në një pikë zonës së shpëtimit. Fitorja e dytë me radhë për ekipin e Shpëtim Idrizit, afron Trepçën’89 në mbijetesë.

Ferizaji u mposht nga Trepça’89 2-5 [Kenan Orana 61, Nermin Hajdarevic 74 - Behar Bardhi 18ag, Arbnor Muja 21, Arb Manaj 39, Muharrem Jashari 67p, Berat Ahmeti 90+3], ndërsa fitorja çon në 34 pikë ekipin e Shpëtim Idrizit, që është vetëm një pikë larg zonës së shpëtimit, për momentin e kapur nga Drenica me 35 pikë.

Tri gola të shpejtë nga Trepça’89 në pjesë të parë vendosën ndeshjen. Kur 45 minutat e para të ndeshjes përfunduan 0-3 në të mirë të mitrovicasve, dilema për fitues s’kishte.

Me autogolin e Behar Bardhit Trepça’89 erdhi në epërsi 0-1 (18’). Shpejtë, me asistimin e Lassine Traores shënoi Arbnor Muja për 0-2 (21’) ndërsa shënuesi më i mirë i ekipit Arb Manaj përcaktoi rezultatin e pjesës së parë me golin e shënuar 0-3 (39’).

TABELA AKTUALE

Ky gol bëri që trajneri i Ferizajit Burim Çerkini të përjashtohet me karton të kuq nga referi për shkak të protestimeve të tija.

Pjesa e dytë nisi me tentime të njëjta të mitrovicasve, por ishin vendasit që shënuan të parët. Kenan Orana e bëri rezultatin 1-3 (61’) dhe kur pritej që Ferizaji të bënte më shumë, në zonë Gentrit Halili shkakton ndërhyrje, që bën atë të merr kartonin e dytë të verdhë dhe penallti për kundërshtarin.

E mesfushori i dalluar Muharrem Jashari i saktë, bëri rezultatin 1-4 (67’) me golin e tij nga penalltia.

Hajdarevic i vendasve uli edhe njëherë epërsinë e mysafirëve, kur me kokë shënoi 16 minuta para fundit të ndeshjes për 2-4 (74’). Por pastaj pasoi edhe një karton i kuq të vendasit, pasi që Behar Bardhi u përjashtua dhe kështu, deri në fund të ndeshjes e tëra që ndodhi ishte një sulm i mysafirëve, për t’ia dhënë mundësinë Gëzim Rusit për asistim drejt Berat Ahmetit për përfundimtaren 2-5 (90+3).

Trepça’89 në xhiron e radhës pret Vushtrrinë si vendas, ndërsa Ferizaji i shkon Drenicës.

Ferizaji vs Trepca 89

ARBËRIA

Arbëria mposhtet në miqësoren ndaj Akhmat

FOTO / Arbëria

19 January, 2021 @22:54

Skuadra e Arbërisë u mposhtë nga skuadra ruse Akhmat me rezultat 3-1. Kjo ndeshje është luajtur në sistemin prej 3…

PRISHTINA

Prishtina me 3 miqësore pas Superkupës

FOTO / Prishtina

19 January, 2021 @20:34

Prishtina do të ndeshet me Dritën më 23 janar në kuadër të Superkupës së Kosovës. Më pas skuadra e Prishtinës…

PRISHTINA

Oto John dhe Mankenda nuk udhëtuan me Prishtinën

19 January, 2021 @20:30

Prishtina sot ka mbërritur në Antalya për fazën përgatitore. Te Prishtina nuk udhëtuan Oto John dhe Gauthier Mankenda për shkak…

PRISHTINA

Prishtina në Antalya, mban stërvitjen e parë

FOTO / Prishtina

19 January, 2021 @20:22

Skuadra e Prishtinës udhëtoi sot në Antalya për fazën përgatitore të dimrit. Prishtina sot gjithashtu ka mbajtur stërvitjen e parë…

DRENICA

Përforcimi i nëntë i Drenicës, vjen nga Brazili

19 January, 2021 @20:07

Skuadra e Drenicës ka shtuar në skuadër lojtarin brazilian, Jose Denisson. 23 vjeçari Denisson, së fundi ka qenë pjesë e…

Të gjitha lajmet nga FFK Superliga