ZONA: AFRIKA
Maroko siguron biletën për Botëror, për herë të parë pas vitit 1998/ Foto: Fox
Dy vende tjera nga Afrika, sigurojnë Botërorin
11 November, 2017 @21:41
Janë ‘shitur’ edhe 2 bileta tjera për Kampionatin Botëror “Rusia 2018”.
Maroko dhe Tunisi janë dy vendet tjera të Afrikës që kanë siguruar biletat për në Rusi, pasi që në ndeshjet e tyre përkatëse, kanë kaluar pengesat, Bregu i Fildishtë, përkatësisht Libinë.
Maroko mposhti Bregun e Fildishtë 2-0 si mysafir, me golat e të njohurve të ekipit, Nabil Dirar dhe Mehdi Benatia, për të siguruar biletën për Rusi.
Marokenët kështu i kthehen Kampionatit Botëoror për herë të parë pas vitit 1998.
Ndërsa Tunisit i duhej vetëm një pikë për të siguruar biletën dhe nuk u mundua shumë ndaj Libisë, duke barazuar pa gola 0-0 për të vulosur pozitën e saj në Rusi.
