EVERTON 1-3 MAN CITY
E 17-ta me radhë, dallimi 10 pikë
17 February, 2021 @23:21
Manchester City ka bërë tash dallimin mes liderit dhe ndjekësit të parë në tabelë, 10-pikë.
Kjo ka ardhur pas fitores së sotme të të përzgjedhurve të Pep Guardiolas ndaj atyre të Carlo Ancelottit, derisa City përkundër epërsisë dhe barazimit të shpejtë nga vendasit, ka arritur të fitojë ndeshjen në pjesë të dytë për përfundimtaren 1-3 [Richarlison 37 - Foden 32, Mahrez 63, Bernardo 77].
Deri në fund të stinorit kanë mbetur edhe 14 ndeshje për tu zhvilluar, ndërsa City tashmë ka epërsi dyshifrore me pikë ndaj ndjekësit të parë në tabelë, pas fitores së 12 radhazi në ligë dhe të 17-tës në të gjitha garat.
Gjithashtu, duke e mposhtur Evertonin sonte, City është bërë ekipi i parë në histori të kategorisë së parë angleze që ka shënuar 10 fitore në 10 ndeshjet e para të vitit kalendarik.