E kërkojnë Chelsea dhe City

Sulmuesi i Leicester Cityt, Jamie Vardy, thuhet të jetë bërë kërkesë e Chelseat në krizë dhe e Manchester Cityt, që ka Sergio Agueron e lënduar. 

The Daily Telegraph ka raportuar sot në faqet sportive të saja se Chelsea është më serioz sa i përket sulmuesit në fjalë, ndërsa City mund t’i konkurrojë në këtë aspekt. 

Vardy 28 vjeç që vetëm 3 vite më parë ka qenë pjesë e Fleetwood Town, në ligën e pestë angleze, ka përjetuar ngritje të hatashme në karrierë, duke hyrë edhe në librat e historisë me rekordin e golave të njëpasnjëshëm në Premier League. 

Anglezi i lindur në Sheffield vlerësohet 30 milionë funta aktualisht. Ai është lider i golashënuesve në Premier League të Anglisë me 15 gola të shënuara në 17 ndeshje.