Edhe Eto’o te Roma!

Nënkampionja e Italisë, Roma, është në bisedime me sulmuesin e deritashëm të Chelseat, Samuel Eto’o - bën të ditur sot faqja e futbollit, Goal.com. 

Pas nënshkrimit të Ashley Cole dhe Salih Uçan, si duket romakët janë duke kërkuar edhe një sulmues me emër siç është kamerunasi me përvojë të madhe në Europë. 

Trajneri i Romës, Rudi Garcia, është një adhurues i madh i sulmuesit këmbëshpejtë dhe përkundër moshës së tij 33 vjeçare, dëshiron ta ketë atë te Giallorossët. 

Të hënën Roma do të ulet në tavolinë me menaxherin e kamerunasit ku do të qartësohet gjithçka, ka bërër të ditur faqja në fjalë sot.