Edhe një sulmues te Prishtina

Altin Merlaku në pjesën e dytë të stinorit do ta vesh fanellën e Prishtinës. Sulmuesi 21 vjeçar i skuadrës nga Liga e Parë e Kosovës, Dukagjini nga Klina, është përforcimi i radhës i klubit bardhekaltër.

Merlaku është golashënuesi më i mirë në Ligën e Parë me gjithsej 13 gola të shënuara me skuadrën e Dukagjinit pas 15 xhirove të zhvilluara.

Prishtina ditë më parë kishte bërë dy goditje të mëdha duke e transferuar në skuadër dyshen e Llamkos Kosovës, Labinot Osmanin dhe Bashkim Shalën.

Merlaku ka nënshkruar kontratë 3 vjeçare me Prishtinën.