Edhe Verona e fundosur mposht Milanin

Pas barazimit me Carpin në shtëpi, Milani i Brocchit ka lëshuar përsëri pikë. Këtë radhë ishte skuadra e Veronës, e cila vitin tjetër do të luajë në Serie B, skuadra e cila e mposhti në çastet e fundit të takimit skuadrën nga qyteti i modës.

Milani kaloi i pari në epërsi me golin e francezit Menez, mirëpo vendasit barazuan në pjesën e dytë përmes penalltisë së Pazzinit, lojtar ky i cili pak kohë më parë mbronte ngjyrat e Milanit. Kur u mendua se ndeshja do të mbyllej me barazim, ishte Siligardi ai i cili bëri që vendasit të largoheshin nga fusha me 3 pikë, me Milanin që vazhdon formën e dobët, përkundër ndërrimit të vazhdueshëm të trajnerëve.

Kjo fitore nuk shërben asgjë për Veronën e rënë nga kategoria, ndërsa Milanit tashmë i rrezikohet edhe vendi i gjashtë dhe synimi i vetëm i sezonit mund të jetë triumfi në finale të Coppa Italia ndaj Juventusit, gjë e cila duket e vështirë.

TABELA AKTUALE SERIE A

Verona vs AC Milan 1-1 All Goals and Highlights… by alxrecords