Elbasani mund të blihet nga Verona

Skuadra e fundit nga renditja tabelare në Kategorinë Superiore shqiptare, Elbasani, mund të bëhet pronë e klubit të Veronës nga Serie A. 

Njoftimin e ka bërë të ditur sot faqja sportive Sportal nga Tirana që ka treguar për takimin e kreut të klubit veronez, Mauirizio Setti, me kreun e qytetit të Elbasanit, Qazim Sejdini. Setti është takuar edhe me kreun e klubit të Elbasanit dhe burime të kësaj faqeje thonë se marrëveshja është shumë afër. 

Verona po e imiton Udinesen në këtë aspekt që po bën klube satelite nëpër vende të ndryshme. Udinese dhe familja Pozzo që e ka në pronë këtë ekip, ka në pronësi edhe Watfordin anglez dhe Granadan spanjolle.