Në kërkim të gjysmëfinales

Paris St Germain dhe Barcelona është dueli gjigant i natës në Ligë të Kampionëve sonte.  Borozani.com

Dy skuadrat u takuan disa herë në stinorët e fundit në këtë garë dhe së fundi, këtë stinor, bënin pjesë në të njejtin grup. Të dyja fituan - si vendase. 

Mungesë e madhe për parisienët do të jetë Zlatan Ibrahimovic, që është i suspenduar për këtë ndeshje. 

Ndërkaq, Barcelona me arritjen në çerekfinale për herë të tetë me radhë - ka thyer rekordin e Ligës së Kampionëve me këtë sukses. 

“Ndeshja e kaluar grupore mund të mirret si referëncë për këtë ndeshje. Ne jemi ndër ekipet e pakta që i kemi shënuar Barcelonës tre gola. Duhet ta përsërisim lojën e mirë, por të mos pranojmë shumë gola. Loja e Barcelonës është e njohur dhe nuk ka ndërruar. Ne do të tentojmë përmes Ezequiel Lavezzit dhe Edinson Cavanit për të goditur në kundërsulme,” ka thënë Laurent Blanc, trajner i Paris St Germainit para ndeshjes. 

Luis Enrique në anën tjetër ka thënë se Parisi është më i fortë pa Ibrahimovicin në fushë. Mungesat nuk përcaktojnë fatin e ndeshjes ka vlerësuar ai. 

“Parisi ka disa mungesa të mëdha, të shohim. Por mos të harrojmë se ata na mposhtën pa Ibrahimovicin në fushë, ndërsa ne fituam kur Ibrahimovic luajti. Kështu që, mungesave asnjëherë s’mund t’ua përcaktoni rëndësinë. Në fakt, jemi thuajse dy ekipet e njejta që u përballëm në fillim të stinorit, vetëmse tashmë pak më në moshë... Duhet të përmirësohemi në mbrojtje,” ka thënë Luis Enrique para ndeshjes. 

Në katër ndeshjet e fundit ndërmjet skuadrave në fjalë, të dyja e kanë nga një fitore dhe janë 2 barazime.

Paris St Germain eliminoi Chelsean në të tetën e finales për të arritur këtu, derisa Barcelona tejkaloi Manchester Cityn.

Formacionet e mundshme: