Porto ambicioze para Bayernit favorit

Porto dhe Bayern është njëri nga duelet e mëdha sonte, në Ligë të Kampionëve. Ekipi i drejtuar nga Julen Lopetegui, Porto, është duke kërkuar që të befasojë, Bayernin që po përballet me disa lëndime. 

Në anën tjetër, gjermanët po kërkojnë gjysmëfinalen e katërt me radhë në garën më cilësore europiane. 

Dy trajnerët që do t’i vënë figurat e tyre në fushë sonte, kanë qenë bashkëlojtarë te Barcelona në periudhën 1994-97. Lopetegui e njeh mirë Pep Guardiolën dhe anasjelltas. 

“Ambicia dhe imagjinata janë dy fjalë që kemi në mendje. Dua t’ia përkujtojë çdokujt se ne nuk fituam biletë për të qenë këtu, por e arritëm me djersë. Jemi këtu, krenarë, duke luajtur në grupin e 8 ekipeve më të mira të Europës. Duam të dominojmë nesër ndaj Bayernit më të mirë në histori, duam të tregohemi si në sulm ashtu edhe në mbrojtje,” ka thënë Lopetegui para ndeshjes, në konferencë për shtyp. 

Herën e fundit kur Porto kishte qenë në çerekfinale të Ligës së Kampionëve figuron në stinorin 2008/09. 

“Porto është njëri ndër ekipet më të mirë në Europë. Kanë trajner shumë të mirë, Luajnë futboll të hapur dhe kanë futbollistë shumë teknik. Jemi me fat që jemi këtu, Lopetegui dhe unë. Kur kemi qenë të ri, asnjëherë nuk kemi paramenduar se do të jemi këtu, trajnerë të dy ekipeve të mëdha në çerekfinale të Ligës së Kampionëve. Portoja nuk është mposhtur ende, kanë kampanjë mbresëlënëse. Ata janë qe 20 vjet në Ligë të Kampionëve, duhet të respektohen patjetër,” ka vlerësuar Guardiola ekipin kundërshtar në konferencë për shtyp. 

Sulmuesi i Portos Jackson Martinez shtë në dyshim për paraqitje, për shkak të një lëndimi të lehtë, derisa Marcano është i suspenduar për shkak të kartonëve. Te Bayern, ka shumë të lënduar: Javi Martinez, Mehdi Benatia, David Alaba, Arjen Robben, Frank Ribery dhe Bastian Schweinsteiger - mungojnë sigurtë. 

Formacionet e mundshme: