LAÇI
Eliminohen nga Europa League
10 July, 2013 @0:20
Laçi nuk ka arritur të kalojë fazën e parë kualifikuese për Europa League 2013/14. Skuadra shqiptare është mposhtur edhe në ndeshjen e dytë nga Differdange e Luksemburgut.
Në fakt Valdon Nimani me golin e tij në minutën e 38-të ka shpier në epërsi skuadrën shqiptare, rezultat ky me të cilin përfundoi pjesa e parë.
Mirëpo, në pjesën e dytë marokeni Omar Er Rafik ka shënuar dy herë për t’i shuar shpresat e laçianëve.
Laçi ka përfunduar ndeshjen me tetë lojtarë në fushë, pasi që tre lojtarë të saj janë ndëshkuar me karton të kuq - të gjithë pas dy të verdhave, (Henri Ndreka 78’, Erjon Vuçaj 86’ dhe Taulant Sefgjini 90+4’).
Laçi u mposht edhe në ndeshjen e parë si vendas, 1-0, nga Differdange.