Portieri 40 vjeç - te Chelsea

Australiani 40 vjeçar, Mark Schwarzer, që u la i lirë nga Fulhami në fund të stinorit 2012/13, ka rënë dakord me ish kampionin e Europës, Chelsea, duke nënshkruar kontratë njëvjeçare me klubin londinez. 

“Klubi është fenomenal. Njëra ndër më të mëdhatë në botë. Nuk u desht shumë që të bindesha të pranojë ofertën e Chelseat,” ka thënë australiani që do të jetë zgjedhja e parë e Jose Mourinhos pas çekut Petr Cech. 

Schwarzer për herë të parë në Premier League kishte ardhur në vitin 1996, duke mbrojtur ngjyrat e skuadrës së Bradford. 

Ai mbrojti 11 vite për Middlesbrough, prej ku kaloi në Fulham, ku arriti të bëhet futbollisti i parë përtej oqeanit që ka mbi 500 paraqitje në Premier League. 

Me kalimin e tij në Chelsea ai pret që të mbajë formën e duhur për paraqitje me kombëtaren australiane në Kampionatin Botëror Brazili 2014. 

Portieri veteran i Australisë kishte mbetur si lojtar i lirë pasi që Fulham nënshkroi me portierin e Romës, Marteen Stekelenburg, ndërsa në anën tjetër Mourinho kishte mbetur pa asnjë zëvendësues për Petr Cechun, pasi që nga të kaltërit e Londrës ishin larguar Ross Turnbull dhe Hilario.