Përfundon në Dortmund

Borussia Dortmund ka transferuar sulmuesin e lartvlerësuar të Shakhtar Donetskut, Henrikh Mkhitaryan. 

Sulmuesi armen 24 vjeçar i ka kushtuar nënkampionit të Europës 27.5 milionë euro. Ai në Dortmund ka ardhur për të zëvendësuar Mario Gotzen që iku për Bayern Munchen. 

Përkundër se luan si sulmues i fshehur në mesfushë, Mkhitaryan ka befasuar në stinorin e kaluar duke shënuar 25 gola në 28 ndeshje për kampionin ukrainas. 

Lajmin e ka zyrtarizuar edhe klubi ukrainas që udhëhiqet nga Mircea Lucescu, Shakhtar. 

Borussia Dortmund kishte eliminuar Shakhtar Donetskun në të tetën e finales së Ligës së Kampionëve stinorin e fundit. Mkhitaryan gjatë gjithë verës kërkohej nga Liverpool, që në fund dështoi ta blejë.