GAUCHOT NË GJYSMËFINALE
![Emi Martinez në skenë, Argjentina gjysmëfinalistja e parë e Copa America Emi Martinez në skenë, Argjentina gjysmëfinalistja e parë e Copa America](https://topsporti.com/images/uploads/_new_article_sans/Martinez_Emi_celeb_win_Argentina_jul2024_copaamerica.jpg)
Foto: AFA
Emi Martinez në skenë, Argjentina gjysmëfinalistja e parë e Copa America
5 July, 2024 @12:41
Ekipi i Argjentinës, kampion aktual botëror, ka arritur që vetëm përmes penalltive të kalojë Ekuadorin në çerekfinale të Copa America 2024 ashtu që të sigurojë biletën për gjysmëfinale të turneut.
Goli i Lisandro Martinezit i dha epërsinë argjentinasve në pjesë të parë, mirëpo Kevin Rodriguez barazoi në kohën shtesë të ndeshjes për ta çuar atë pastaj edhe në penallti, pas vazhdimeve. E aty, falë portierit Emi Martinez Argjentina mposhti Ekuadorin 4-2 për të siguruar gjysmëfinalen, Argjentina - Ekuadori 1-1 [Martinez 35’ - Rodriguez 90’+1] (4-2pen.).
Te gauchosët vetëm Lionel Messi dështoi nga seria e penalltive, duke provuar panenkën qëlloi transverzalen. Mirëpo, portieri Martinez pastaj nxorri faqebardhë ekipin e tij, për të siguruar vend në TOP-4 të Copa America. Në gjysmëfinale, Argjentina pret fituesin e përballjes Venecuela-Kanadaja.
Përballja u luajt në NRG Stadium të Hjustonit në shtetin e Teksasit të SHBA-ve.