Enrique: Kosova me filozofi loje si Spanja

Selektori i Spanjës, Luis Enrique, në deklaratën e tij pas ndeshjes së fituar ndaj Kosovës, ka vlerësuar paraqitjen e Dardanëve.

Ai ka thënë se Kosova ka filozofi të ngjajshme si seleksioni i Spanjës, ndërsa pasi ka thënë se është me rëndësi fitorja e ekipit që drejton, ka treguar se është gëzuar me rezultatin që e ka arritur Greqia në përballje ndaj rivalit kryesor të Spanjës për kualifikim, Suedisë.

ORARI I NDESHJEVE dhe TABELA AKTUALE

“Kosova është ekip i mirë. Luajti mirë dhe u vendos shumë mirë. E kanë një filozofi të lojës sikurse Spanja dhe e kam ditur se do të jetë ndeshje e vështirë,” ka thënë fillimisht përzgjedhësi i Spanjës.

“Ka qenë një fitore e rëndësishme e jona, ndërsa më vjen mirë që Greqia ndali Suedinë dhe të njëjtën e dëshiroj edhe për Kosovën e Gjeorgjinë, ndaljen e Suedisë,” ka shtuar ndër të tjera ai.

ORARI I NDESHJEVE dhe TABELA AKTUALE

Spanja është lidere e Grupit B kualifikues për Botëror, ndërsa me fitoren e saj ndaj Kosovës dhe humbjen e Suedisë ndaj Greqisë, ajo është rehatuar në krye të klasifikimit me 4 pikë më shumë sesa ndjekësi i parë.