Fazliu, ende lider

Astrit Fazliu që tashmë është lojtar i Shkëndisë së Tetovës edhe pas dy xhirove të para të Superligës së Kosovës në futboll, mbetet golashënuesi më i mirë në Superligë! 

Ish sulmuesi i Ferizajit Fazliu që shënoi 9 gola për ekipin e tij në stinorin vjeshtor dhe gjatë dimrit kaloi në ligën elite maqedonase mbetet ende lider i golashënuesve. 

As Kasrtiot Rexha që ka tetë gola të shënuar, e as Qëndrim Dautaj e Semir Zeneli që kanë nga 7 gola të shënuar ende nuk kanë arritur të tundin rrjetat e kundërshtarve në pranverë - që kontribuon në lidershipin e Fazliut. 

Kësaj i ka kontribuuar gjithashtu edhe kujdesi i madh i ekipeve pasi që gabimet në pranverë kushtojnë shumë! Në dy xhirot e para të Superligës nga dhjetë ndeshje të zhvilluara janë shënuar gjithsej 11 gola, ku nga 10 ndeshje të zhvilluara 7 sosh kanë përfunduar me rezultat 1-0!