Fitorja më e rëndësishme e stinorit!

Futbollisti i skuadrës lidere në Serie A, Leonardo Bonucci, ka thënë se fitorja kundër Genoas ka qenë më e rëndësishme deri më tani për këtë stinor.

“Fitorja kundër Genoas për mua ka qenë fitorja më e rëndësishme deri më tani për këtë stinor,” ka shkruar Bonucci në webfaqen e tij zyrtare.

“Ne luajtëm kundër një skuadrës të mrekullueshme të Genoas dhe beteja ime me shokun tim, Giladrinon, ishte fantastike. Tani i kemi edhe dhjetë finale për t’i luajtur. Derisa matematika e konfirmon, Scudetto nuk do të jetë e jona. Tani e kemi ndeshjen të enjtën në Florencë, ku do të jenë mijëra emocine. Ata luajnë në shtëpi, kështu që në letër ata kanë përparësi. Por ne do të shohim se çfarë do të ndodhë në atë fushë. Le të fitoj më i miri,” ka shkruar në vijim futbollisti 26 vjeçar.

Juventus në ndeshjen kundër Genoas kishte fituar me rezultat minimal 1-0, ndërsa të enjtën kundër Fiorentinës do të luaj në kuadër të Europa League.