Projektili i Pirlos fundos detarët

Andrea Pirlo ka treguar edhenjëherë cilësitë e tij. Ai sonte ka qëlluar një projektil që ka lënë Genoan pa pikë në minutën e fundit të takimit. 

Juventus kështu ka arritur që të shënojë fitore me rezultat minimal 0-1 si mysafir në Xhenovë, derisa distanca ndaj përcjellësve Roma e Napoli tashmë duket tejet komode për bianconerët. 

Sidoqoftë, e tëra do të mund të ishte ndryshe po të kishte shënuar penalltinë për Genoan zëvendësuesi Emanuele Calaio në minutën e 72-të të ndeshjes. Kjo nuk ndodhi dhe Zonja e Vjetër edhe njëherë tregoi që s’fal kësi lloj gabimesh të kundërshtarit duke ia marrë tre pikët e plota. 

Fiorentina pa probleme ndaj Hetemajt

Në ndeshjen tjetër të zhvilluar në të njejtën kohë, Fiorentina ka kaluar lehtë ndaj Chievos në Artemio Franchi duke e mposhtur 3-1. Juan Cuadrado, Alessandro Matri dhe Mario Gomez kanë shënuar për Fioretinën, në ndeshje ku David Pizzaro dështoi nga pika e bardhë, derisa golin e vetëm për veronezët e shënoi Alberto Paloschi. 

Përparim Hetemaj luajti gjatë gjithë ndeshjes për Chievon në humbjen e tyre dhe u ndëshkua me karton të verdhë 15 minuta pa përfunduar takimi. 

Rezultatet dhe tabela aktuale.