REAL MADRID
Benzema gati për El Clasico
17 March, 2014 @16:44
Carlo Ancelotti nuk mund të llogaris te Karim Benzema për ndeshjen e së martës në Champions League që do të luhet kundër Schalkes, por ai beson fuqishëm që kjo situatë me Benzeman nuk do të përsëritet edhe në ndeshjen kundër Barcelonës që luhet të dielën.
Sulmuesi françez kishte pësuar një lëndim në këmbë gjatë ndeshjes kundër Malagas në vikend dhe tani i nevojitet kohë për t’u rikuperuar.
“Benzema nuk mund të luaj të nesër, por ne jemi të sigurtë se ai do të jetë gati për të dielën,” ka thënë Ancelotti sot në konferencën për shtyp.
“Benzema është një lojtar shumë i rëndësishëm, por ne jemi me fat që kemi zëvendësime për të kur ai është i lënduar,” shtoi trajneri italian.
Ancelotti gjithashtu tha se duke pasur parasysh rehatinë që do ta ketë Reali në ndeshjen kundër Schalkes, si rrjedhojë e rezultatit të ndeshjes së parë, planifikon t’i kursej disa lojtarë të lodhur fizikisht për t’i dhënë rast më shumë lojtarëve të ri dhe të talentuar.
Shiko artikullin e ndeshjes së parë ndërmjet Schalkes dhe Real Madridit.
Shiko tabelën aktuale në La Liga.
