ASTRIT FAZLIU
Fazliu kthehet në Kosovë
13 June, 2017 @15:15
Sulmuesi i deritashëm i Flamurtarit të Vlorës, Astrit Fazliu, i kthehet Superligës së Kosovës pas viteve të tëra.
Fazliu do të jetë futbollisti më i ri i Dritës, ka bërë të ditur vetë klubi sot përmes një njoftimi.
Sulmuesi në fjalë njihet si lojtar këmbëshpejtë, ndërsa Drita ka paralajmëruar se ky është vetëm transferi i parë nga pazari që pritet të jetë i nxehtë këtë verë.
Fazliu prej se është larguar nga Kosova ku ka qenë pjesë e Ferizajit dhe Prishtinës, ka luajtur edhe për Partizanin e Tiranës, Shkëndijën e Tetovës dhe krejt në fund për kuqezinjtë e Vlorës, Flamurtarin.
