Fergie apo Mourinho?!

Futbollisti më i mirë i Real Madridit aktualisht, Cristiano Ronaldo, në një intervistë për The Sun, e cila u publikua vetëm në një pjesë ka dhënë përgjigje interesante për dallimin ndërmjet dy trajnerëve të tij, Sir Alex Ferguson dhe Jose Mourinho. 

Portugezi këmbëshpejtë ka punuar me Fergusonin në Manchester për 6 vite, para se t’i bashkohet radhëve të Real Madridit dhe trajnerit të tashëm, Mourinho. 

“Nuk është fer të thuhet njëri është më i mirë se tjetri. është sikur të krahasosh Ferrarin me Porschen. Të dy janë shumë të mirë, me përvojë dhe të dy kërkojnë fitore gjithnjë,” ka thënë 7-shja e Realit. 

Ndërsa në pyetjen për duelin Real Madrid dhe Manchester United në Ligën e Kampionëve, ai është përgjigjur shkurt. 

“Dy klube të mëdha, dy ballafaqime të mëdha. Gjasat janë 50-50,” ka përfunduar Ronaldo komentin e tij në lidhje me përballjen e ish ekipit të tij dhe këtij aktual në Ligën e Kampionëve javën tjetër.