LIDERI PA PROBLEM
Ferronikeli fshin Lirinë
9 November, 2015 @15:29
Pa probleme për Ferronikelin sot. Ekipi i Gani Sejdiut ka treguar edhe njëherë fytyrën e vërtetë të kampionit duke e mposhtur lehtë dhe bindshëm Lirinë e Prizrenit 3-0 në Rexhep Rexhepi të Drenasit.
Rastet e shumta të vendasve u kurorëzuan me gol pak para fundit të pjesës së parë, kur Mentor Zhdrella qëlloi portën e Armend Ruxhit nga gjuajtja e lirë.
Liria provoi diçka më shumë përmes Florim Berbatovcit në fillim të pjesës së dytë, por pa sukses.
Ferronikeli ndez turbinat në fund për të shënuar edhe dy herë. Së pari Mendurim Hoti godet për 2-0 dhe krejt në fund Mirlind Demaku shënoi golin e parë të stinorit për fitoren 3-0 pas asistimit të Behar Maliqit.
Ferronikeli ka realizuar fitoren e nëntë të stinorit me këtë tre pikësh sot, ndërsa ka edhe tre pikë më shumë nga përcjellësi kryesor i tij, Llapi.
Në anën tjetër, Liria duhet të konsolidohet sa më shpejtë që mundet pasi që mbi një muaj gjendet në zonën e rrezikshme të klasifikimit.
