DRENAS
Ferronikeli sheh mbijetesën qartë
30 March, 2014 @17:40
Skuadra e Ramiz Krasniqit, Ferronikeli, ka vazhduar me formë të mirë në pranverë dhe ka shënuar fitoren e radhës që përkundër se nuk e shkëput nga vendi i parafundit në tabelë, tashmë i mban gjallë shpresat për mbijetesë.
Ka qenë sulmuesi kaçanikas, Përparim Livoreka, që i ka sjellë fitoren ekipit nga Drenasi duke shënuar dy herë për fitoren e tyre sot, 2-1 ndaj Ferizajit - që për herë të parë pëson humbje nën drejtim të Arsim Abazit.
Në ndeshjet tjera të ditës, Trepça’89 ka shënuar fitoren e parë në pranverë, duke e mposhtur rivalin lokal - Trepça, derisa dueli ndërmjet Dritës dhe Drenicës, ku debutoi Mentor Zhdrella për Dritën - përfundoi pa gola, 0-0.
Rezultatet dhe tabela aktuale.
Rezultatet dhe golashënuesit, sot:
| Ferronikeli - Ferizaj | 2-1 | Livoreka 47', 60' - Haxhimusa 67' | |
| Drita - Drenica | 0-0 | ||
| Trepça'89 - Trepça | 3-1 | Idrizi 41', Kurtishaj 66', Peci 80' - Mustafa 74' |
