Ferronikeli zhvendoset në Prizren

Ferronikeli, lider i Superligës së Kosovës në futboll, pas kërkesës së shtabit teknik të drejtuar nga Gani Sejdiu, ka vendosur që skuadra të luaj ndeshjet si vendas në Prizren. 

Lajmin e ka bërë të ditur vetë klubi drenicak, që nuk është i kënaqur me gjendjen e terrenit në Skenderaj, ku po i luan ndeshjet aktualisht në mungesë të terrenit që është në renovim. 

“Bordi i klubit ka arritur marrëveshje me KF Liria nga Prizreni dhe të gjitha ndeshjet e mbetura do t’i zhvillojë në Prizren në stadiumin Përparim Thaçi,” ka shkruar në kumtesën e klubit. 

Ferronikeli ndeshjen e radhës e luan pikërisht ndaj Drenicës, stadiumin e së cilës e ka shfrytëzuar deri më tani dhe me këtë ajo do të fillojë fazën përfundimtare të kampionatit në Prizren.