REFER TJETËR
FFK ndërron referin e ndeshjes Drita-Prishtina
4 April, 2017 @19:22
Federata e Futbollit të Kosovës (FFK) ka reaguar menjëherë pas video-inçizimit të botuar sot ku shihej trajneri i Dritës, Ismet Munishi, në kafe me referin kryesor të ndeshjes së nesërme Drita-Prishtina, Bajram Gashi.
Pasi që ka nisur procedurë disciplinore ndaj akterëve në video, FFK ka deleguar Selim Isufin si refer kryesor në ndeshjen Drita-Prishtina. Ndihmës të Isufit do të jenë, Fatmir Sekiraqa dhe Artan Latifi.
Bajram Gashi ishte deleguar si refer kryesor i ndeshjes Drita-Prishtina, që zhvillohet nesër.
