Fillon Premier Liga

Pas afro 3 muajve pushim, sot rikthehet Premier Liga angleze.

Me fillim nga ora 13:30, Leicester City, kampioni në fuqi, nis ndeshjen e parë të sezonit në takimin ndaj Hull Cityt të rikthyer në Premier League.

Në ora 16:00 bie në sy takimi mes Evertonit e Tottenhamit, ndërsa në të njëjtën orë luajnë edhe Burnley-Swansea, Crystal Palace-WBA, Southampton-Watford dhe Middlesbrough-Stoke City.
Manchester City i Guardiolës sezonin e nis në shtëpi ndaj Sunderlandit të përforcuar, me takimin që luhet sonte në ora 18:30.

Takimet e tjera zhvillohen nesër dhe pasnesër, me Manchester United-in që i shkon Bournemouthit nesër me fillim nga ora 14:30, ndërsa ‘SuperSunday’ angleze mbyllet me derbin mes Arsenalit e Liverpoolit në Emirates me fillim nga ora 17:00.

Javën e mbyll derbi i Londrës mes Chelseat e West Hamit, të hënën me fillim nga ora 21:00.

Me më shumë yje se kurrë dhe me shumë skuadra cilësore, ky parashikohet të jetë ndër sezonet më të bukura në histori të futbollit anglez dhe se çfarë do të ndodh, na mbetet të shohim, duke filluar që nga sot.