Finalistët e Copa del Rey, s’luajnë pa tifozë

Athletic Bilbao dhe Real Sociedad edhe zyrtarisht i kanë kërkuar Federatës që të shtyejë datën e finales së Copa Del Rey 2020 për një datë, kur loja do të mund të luhej nën prani të tifozëve.

Të dy kryetarët e klubeve i kanë bërë kërkesë Federatës spanjolle që ka thënë se takimi i radhës më 8 maj do të vendos datën.

Athletic Bilbao dhe Real Sociedad do të luajnë derbin bask në finale të Kupës së Spanjës, ndërsa ardhja e tyre aty befasoi super ekipet si Barcelona dhe Real Madrid.

Kjo është hera e parë që në finale të Kupës takohen dy ekipe baske, ndërsa MundoDeportivo ditë më parë bëri të ditur se nëse finalja e Kupës s’luhet këtë stinor, UEFA ka kërkuar që ligat të dërgojnë skuadrën e radhës në renditjen tabelare, që në LaLiga i bie vendi i shtatë.

“Më shumë më pëlqen të luaj finalen e Kupës së Mbretit me tifozë sesa të kualifikohem në gara evropiane,” ka thënë Ibai Gomez mesfushor i Bilbaos.

Bilbao të vetmen rrugëdalje për Evropë në stinorin e ardhshëm e ka duke e fituar Kupën, ndërsa Sociedad ku luan Adnan Januzaj pritet ta sigurojë nga LaLiga, pasi që aktualisht janë në TOP 4-she.