Finalja e madhe gjermane, nesër

Nesër mbrëma duke filluar nga ora 20:00 zhvillohet finalja e madhe e Kupës së Gjermanisë ndërmjet dy gjigantëve të futbollit gjerman, Bayern Munchen dhe Borussia Dortmund. 

Kjo ndeshje do të transmetohet në 189 shtete ku kampioni i Bundesligës, Bayern do të takohet me rivalin e ashpër, Borussia Dortmund, që do të kërkojë titullin e dytë të këtij stinori pas fitores në Superkupën gjermane në fillim të saj. 

“Finalja e Kupës është njëra ndër finalet më të mëdha dhe atmosfera në Berlin është e veçantë,” ka thënë trajneri spanjoll i bavarezëve, Pep Guardiola, duke shtuar se ekipi i tij do të zhvillojë ndeshje sulmuese. 

Edhe trajneri i verdhezinjëve nga Dortmund, Jurgen Klopp, duke konfirmuar se Robert Lewandowski do të paraqitet në ndeshjen e nesërme, ka thënë se do të luaj lojë ofanzive. 

“Dje Lewandowski ka bërë vetëm 3/4 të stërvitjeve por besoj që do të jetë në formë të mirë për nesër, ku do të luajmë lojën tonë ofanzive,” ka thënë karizmatiku Klopp. 

Ajo çka është interesante të ceket është fakti se në stinorin e posapërfunduar gjerman, Bayern dhe Borussia kanë mposhtur nga njëherë njëra-tjetrën dhe atë si mysafir me rezultat identik, 0-3. 

Në nëntor të vitit 2013, Bayern kishte mposhtur Dortmundin në Westfalen 0-3 me golat e Mario Gotze, Arjen Robben dhe Tomas Muller, derisa në prill të këtij viti Dortmund ia kishte kthyer në mënyrë të njejtë Bayernit duke e mposhtur në Allianz Arena 0-3 me golat e Henrikh Mkhitaryan, Marco Reus dhe Jonas Hofmann. 

FORMACIONET E MUNDSHME: