LA VIOLA DREJT OLIMPIT
Fiorentina përsëri në finale!
8 May, 2024 @21:34
Fiorentina ka arritur finalen e dytë me radhë në Ligë të Konferencës! Ekipi italian ka fituar një penallti të vonshme në ndeshje për të barazuar rezultatin ndaj Brugge-it 1-1 [Hans Vanaken 20’ - Lucas Beltran 85’pen.] sonte, ndërsa me rezultat të përgjithshëm 3-4 siguruan finalen e garës.
Ekipi i Vincenzo Italianos në finale do të pret fituesin e përballjes Olympiacos - Aston Villa, ku grekët kanë marrë epërsinë 4-2 në Birmingham dhe nesër luajnë ndeshjen e kthimit në Athinë! Edhe finalja e Ligës së Konferencës do të luhet në Athinë të Greqisë.
Fiorentina edhe në stinorin e kaluar arriti finalen, ndërsa aty u mposht nga ëest Ham Unitedi i David Moyesit 1-2. Tash Italiano me ekipin e tij nga Firenca, do të mundohet që të mos gabojë në përballjen kryesore të garës për herë të dytë.
Finalja e Ligës së Konferencës luhet më 29 maj 2024 me fillim prej orës 21:00 në stadiumin “Agia Sophia”.
