DRENICA - FERIZAJ
Fitore e madhe e Drenicës, Ferizaj drejt rënies
8 July, 2020 @19:01
Skuadra që asnjëherë s’ka rënë nga elita e futbollit kosovar në futbollin e pas-luftës, Drenica, sot bëri një hap të rëndësishëm drejt një tjetër mbijetese.
Në Skenderaj skuadra e Drenicës sot shënoi fitore 3-0 (Alban Shillova 7’ 89’, Hasan Hyseni 10’) ndaj Ferizajit, për ta “shtyrë” këtë të fundit edhe më shumë drejt Ligës së Parë.
Alban Shillova (7’) e Hasan Hyseni (10’) ia dhanë herët vendasve një epërsi të dyfishtë, e kjo epërsi nuk u prek deri në minutën e 89’, kur Alban Shillova shënoi për 3-0, rezultatin përfundimtar të ndeshjes.
Xhiron e ardhshme, Drenica i shkon Gjilanit, kurse Ferizaj udhëton në “Ferki Aliu” për t’u përballur me Vushtrrinë.
