LLAPI - LIRIA
Fitore minimale e Llapit, ndalet seria e Lirisë
1 December, 2018 @14:58
Loja e mirë e Lirisë nuk u shpërblye me fitore në ndeshjen kundër Llapit, me skuadrën prizrenase që u mposht 1-0.
Në fillim të ndeshjes, skuadra prizrenase rrezikoi portën e Llapit përmes Fatih Karahodës dhe Liridon Fetahajt, por Llapi shënoi në minutën e 31’ me kapitenin Hamdi Namani pas asistimit të Festim Alidemës.
Liria pas golit e kishte rastin dy herë ta barazonte rezultatin me Blendi Memajn, i cili e goditi edhe shtyllën, por ishte i pasuksesshëm.
Në pjesën e dytë, shtyllën e goditi edhe Llapi me Festim Alidemën, derisa skuadra e trajnerit Bekim Shotani luajti më mirë se sa mysafirët dhe kështu u mbyll ndeshja me rezultat 1-0.
Llapi me këtë fitore përforcon pozitën e tretë me 35 pikë të grumbulluara, derisa seria prej 3 fitoreve rresht të Lirisë përfundoi dhe aktualisht kjo skuadër gjendet në pozitën e 10 me 19 pikë të grumbulluara në Superligën e Kosovës.
Kjo ishte xhiroja e fundit e stinorit vjeshtor në Superligën e Kosovës në futboll.
FORMACIONET STARTUESE:
| LLAPI: Ademi, Jashari, Sinani, Idrizi, Blakçori, Namani, Maliqi, Shabani, Emini, Alidema, Hajdari. | |||
| LIRIA: Gashi, Thaqi, Walidjo, Daci, A. Memaj, Gjeraj, Mustafa, B. Memaj, Karahoda, Fetahaj, Binishi. |
