Fitore në sekondat e fundit, United në finale

Në ndeshjen e parë gjysmëfinale në kuadër të FA Cup, Manchester United arriti ta mposhtë Evertonin me shifrat 2-1. Skuadra e holandezit Van Gaal fitoren e arriti në çastet e fundit të takimit me golin e Anthony Martial.

Ndeshja kaloi me shumë raste shënimi për të dyja skuadrat, ku ajo që u vu në pah ishte paraqitja fenomenale e portierit David De Gea, i cili priti një penallti të Lukakus në pjesën e dytë dhe shumë raste të tjera të skuadrës së Evertonit gjatë gjithë ndeshjes. United pati raste për shënim në pjesën e parë, të cilën e mbylli me avantazh 1-0. Goli i pjesës së parë u shënua nga belgu Marouane Fellaini pas asistimit të Anthony Martial.

Evertoni arriti barazimin me autogolin e Chris Smalling, mirëpo shpresat për kualifikim u shuan në sekondat e fundit nga goli i francezit Martial.

Në finalen e 21 majit, United pret fituesin e duelit Crystal Palace vs. Watford, duel i cili zhvillohet nesër.

Anthony Martial Goal 1-2 Everton vs Manchester… by gentaa