MITROVICË
Fitore, pas 18 xhirove
31 May, 2015 @18:21
Skuadra e Trepçës ka shënuar fitore për herë të parë pas 18 xhirove në Superligë.
Fitorja e fundit e ekipit mitrovicas ka qenë e regjistruar në fillim të nëntorit të vitit të kaluar kur mposhtën Drenicën në Mitrovicë 1-0.
Sot, në duelin e ekipeve që kanë rënë nga Superligë dhe do të bëjnë pjesë në Ligë të Parë stinorin e ardhshëm, Trepça ka mposhtur Ferizajin 2-0.
Me këtë fitore, Trepça nëse asgjë tjetër, ia ka lënë fundin e tabelës Ferizajit, derisa ka kërcyer një pozitë më lartë në klasifikim - që nuk e ndërron fatin e rënies nga elita.
