Fitorja e parë e Ramiz Sadikut, me përmbysje në pjesë të dytë

Ramiz Sadiku ka arritur të shënojë fitoren e parë kampionale këtë stinor në Ligën e Parë - Grupi B, pasi që ka arritur që në pjesë të dytë të përmbys epërsinë e Vjosës të arritur në pjesë të parë, për të fituar duelin në fund: Ramiz Sadiku - Vjosa 4-2 [n.n.23’, 51’, 77’, 81’ - Auron Ademi 36’, Çlirim Berisha 44’].

Me këtë fitore, Ramiz Sadiku ka kaluar në pozitë të shtatë të renditjes tabelare të Ligës së Parë - Grupi B, me 4 pikë nga 4 ndeshjet e para të stinorit, ndërsa Vjosa ka pësuar për herë të dytë këtë stinor dhe bie në pozitën e pestë të tabelës me 6 pikë nga 4 ndeshjet e para.