Fitorja historike

Bekim Balaj i sjell fitoren e madhe Shqipërisë në Aveiro. Trepikëshi i madh vjen nga sulmuesi shkodran që me një volej maestral tundi rrjetën e vendasve pas një krosimi të Odise Roshit. 

Fitorja e parë dhe historike e Shqipërisë ndaj Portugalisë vjen në një moment të papritur për shumëkë, por Gianni De Biasi kishte thënë se nuk shkojmë atje të dorëzuar. E kjo fitore do të çrregulloj tani planet e skuadrave tjera në grup, përderisa kuqezinjtë vazhdojnë me planet madhore.

Minutat e fundit të ndeshjes kaluan në dominim të vendasve por dominimi i Lorik Canës dhe Mërgim Mavrajt në zonë tregoi fuqinë e madhe që i lehtësoi punën edhe Etritit në portë. 

Në pjesën e parë Shqipëria ishte e koncentruar në kundërsulme. Mirëpo përkundër kësaj posedimi i topit nuk ishte edhe aq shume në anën e portugezëve, 56% - 44%.

Veç rasteve, Portugalia kishte më shumë shuta drejt portës së kuqezinjëve dhe  dukeshin më konkret, por Etrit Berisha dukej i madh në portën shqipe. 

Shqipëria tash pret Danimarkën në ndeshjen e radhës, që sonte mposhti Armeninë 2-1. Shqipëria e Danimarka udhëheqin grupin me nga tre pikë pas ndeshjeve të para.

Video

Goli i mrekullueshëm i Bekim Balajt