“Fitorja për popullin tim”

Kapiteni kuqezi i kombëtares shqiptare, Lorik Cana, pas ndeshjes kundër Portugalisë, u intervistua nga uefa.com.

Futbollisti i Lazios fitoren ndaj portugezëve e quajti historike, duke llogaritur ende ata si favoritët kryesorë të grupit, derisa fitoren ia dedikoi popullit shqiptar pas përkrahjes së tyre të vazhdueshme.

“Ishte një start perfekt për ne. Të fillosh kualifikimet me fitore në shtëpi të Portugalisë, e cila mendoj që është favoritja kryesore e grupit dhe vazhdon të mbetet e tillë, është e shkëlqyer. Kjo është historike për ne. E fituam një ekip të madh të Europës siç është Portugalia. Unë jam shumë i lumtur për shtetin tim dhe për popullin tim, sepse ata gjithmonë na përkrahin dhe kjo fitore është për ta. Do të provojmë ta japim më të mirën nga vetja në këto kualifikime,” tha Cana.