VALDET SHOSHI
Fituam me meritë
5 March, 2016 @22:04
Skuadra e Drenicës sot ka shënuar fitoren e radhës në Superligë, duke e mposhtur Vushtrrinë me rezultat 2-1.
Pas ndeshjes trajneri i drenicakëve, Valdet Shoshi, e ka komentuar fitoren e skuadrës së tij, duke e quajtur ate të merituar.
“Sfida filloi mjaft mirë. Futbollistët e mi në pjesën e parë dominuan plotësisht. Krijuam 4-5 raste të qindpërqindta. Mirëpo në momentet më vendimtare, mungoi koncentrimi. Shënuam një gol, mirëpo në disa raste do të mund të na kushtonte shumë më shumë. Në pjesën e dytë, luftuam edhe kundër erës. Krijuam edhe disa raste, megjithëse mysafirët e kishin më shumë posedimin e topit dhe në momentet kyçe në një aksion jo premtues barazuan, por prapëseprapë mendoj se Drenica me plot meritë e fitoi takimin,” tha Shoshi.
