ËNDRRA VAZHDON
Foto: Premier League Official
Në ndjekje të titullit
5 March, 2016 @20:27
9 javë para fundit të sezonit në Premier League, 5 pikë është diferenca e Leicesterit ndaj vendit të dytë. Të paangazhuar në kompeticione të tjera, janë 9 finale të mbetura për Leicesterin, skuadra e cila po çudit botën këtë sezon.
Në ndeshjen ndaj Watfordit, skuadra e italianit Ranieri fitoi 3 pikë shumë të rëndësishme në luftën për titull dhe këto pikë erdhën pikërisht në momentin kur Arsenali e Tottenhamin lëshuan pikë. Goli i fitores u shënua nga Riyad Mahrez, i cili nëse e vazhdon këtë formë, padyshim se do të shpallet futbollisti i vitit në Angli. Ky ishte goli i 15 sezonal i mesfushorit, 11 prej të cilëve erdhën në ndeshjet si mysafir. Për më tepër, Mahrez ka edhe 11 asistime.
Se deri ku do të shkojë ky Leicester mbetet të shihet, mirëpo gjasat për titull tashmë janë reale.
0:1 Riyad Mahrez Goal | Watford 0-1 Leicester… par zidanekrisz1
